Crime News : गांजा प्रकरणात बिहारच्या तरुणाला अटक

Crime News : हा गांजा तो ताळगाव येथे ग्राहकाला विकण्यास आला होता. त्यापूर्वीच तो पोलिसांच्या जाळ्यात सापडला.
Panaji
PanajiDainik Gomantak

Crime News :

पणजी, पोलिसांनी बुधवारी मध्यरात्रीच्या सुमारास बिहारच्या एका इसमाला ताब्यात घेऊन त्याच्याकडून ९४ हजारांचा गांजा जप्त केला. त्याचे नाव रमाकांत उमाकांत पांडे (४५) आहे. त्याला न्यायालयाने चार दिवसांची पोलिस कोठडी दिली आहे.

ताळगाव येथील परिसरात रात्रीच्यावेळी ड्रग्स व्यवहार होणार असल्याची माहिती पोलिसांना मिळाली होती. त्यानुसार गस्तीवर असलेल्या पोलिसांनी संशयास्पदपणे फिरणाऱ्या इसमाला हटकले. त्याच्या हातात एक पिशवी होती. त्याची झडती घेतली असता आतमध्ये गांजासदृश पदार्थ होता.

Panaji
Goa Todays Live Update: काले येथील जंगलात आढळला अज्ञात व्यक्तीचा मृतदेह

त्याची चाचणी केली असता तो गांजा असल्याचे उघड झाले. हा गांजा तो ताळगाव येथे ग्राहकाला विकण्यास आला होता. त्यापूर्वीच तो पोलिसांच्या जाळ्यात सापडला. संशयित रमाकांत हा बेती येथे राहत असून मजुरीचे काम करतो. झटपट पैसे मिळवण्याच्या आशेने तो ड्रग्स विक्रीच्या व्यवसायात ओढला गेला होता. त्याला हा गांजा कोणी दिला होता याची चौकशी पोलिस करत आहेत. निरीक्षक राजाराम बागकर पुढील तपास करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com