डिचोलीच्या शांतादुर्गा विद्यालयाचे राज्यस्तरीय संचलन स्पर्धेत यश

डिचोली : राज्यस्तरीय संचलन स्पर्धेत डिचोलीच्या विद्यालयाने श्री शांतादुर्गा विद्यालयाने सलग दुसऱ्या वर्षी यश संपादन केले आहे. मुक्तीदिनानिमित्त क्रीडा आणि युवा व्यवहार खात्याने घेतलेल्या संचलन स्पर्धेत यावर्षी शांतादुर्गा विद्यालयाला दुसरा क्रमांक प्राप्त झाला. विद्यालयाचे शारीरिक शिक्षक (Teacher) सुदन सावळ आणि शिक्षिका सोनल चोडणकर यांच्या कुशल मार्गदर्शनाखाली विद्यार्थ्यांनी हे यश संपादन केले आहे. गेल्यावर्षी या विद्यालयाने याच स्पर्धेत (competition) प्रथम क्रमांक पटकवला होता.

यशस्वी संचलन पथकाचे शाळेच्या व्यवस्थापन मंडळाचे अध्यक्ष विजय सरदेसाई यांच्यासह अन्य पदाधिकारी आणि मुख्याद्यापिका (headmistress) श्रद्धा आसकावकर यांनी अभिनंदन केले आहे. यावेळी साधनसुविधा विभागाचे व्यवस्थापक दिनेश मयेकर, क्रीडा अकादमीचे व्यवस्थापक अभिजित नोडा, सहायक मुख्याध्यापिका यास्मिन शेट्ये, शारीरिक शिक्षक सुदन सावळ आणि सोनल चोडणकर उपस्थित होत्या.