Bicholim News : व्हाळशीतील मगर अखेर पिंजऱ्यात; बोंडलात रवानगी

Bicholim News :

डिचोली, व्हाळशी येथील तळ्यातील मगर अखेर वन खात्याने लावलेल्या पिंजऱ्यात अडकली. आज पहाटे ही मगर पिंजऱ्यात अडकल्याचे स्थानिकांच्या निदर्शनास आले. ही मगर पाच फूट लांबीची आहे. या मगरीची बोंडला अभयारण्यात रवानगी केली आहे.

मगर पकडण्यात आल्याने स्थानिक लोकांनी सुटकेचा निःश्वास सोडला असला, तरी या तळ्यात आणखी दोन मगरी असल्याचा दावा काही नागरिकांनी केला आहे. त्यामुळे लोकांमध्ये निर्माण झालेली भीती अजूनही दूर झालेली नाही.

व्हाळशी येथील भर लोकवस्तीजवळ असलेल्या नैसर्गिक तळ्यातील मगरीने दहशत घालताना गेल्या मंगळवारी भरदिवसा एका श्वानावर हल्ला करून त्याचा बळी घेतला होता.