डिचोली: बांधकाम सुरू असलेल्या एका इमारतीच्या तिसऱ्या मजल्यावरून तोल जाऊन खाली पडल्याने राजासाब गुडीहोल (३८, रा. मूळ गदग, कर्नाटक) या मजुराला दुर्दैवाने जागीच मरण आले.
ही घटना (शुक्रवारी) सकाळी शहरातील व्हाळशी येथील सरकारी ‘आयटीआय’पासून काही अंतरावर घडला. हा मजूर गेल्या काही वर्षांपासून मजुरीनिमित्त डिचोलीत राहत होता. त्याच्या मागे पत्नी आणि तीन लहान मुले आहेत.
यासंबंधीची माहिती अशी की, राजासाब नेहमीप्रमाणे सकाळी बांधकामस्थळी काम करीत असता, अचानक त्याचा तोल गेल्याने तिसऱ्या मजल्यावरुन खाली पडला. लागलीच इतर कामगार आणि अन्य काहींनी उपचारासाठी त्याला डिचोली सामाजिक आरोग्य केंद्रात नेले. मात्र, तेथील डॉक्टरांनी त्याला मृत घोषित केले. घटनेची माहिती मिळताच डिचोली पोलिसांनी पंचनामा करून मृतदेह गोमेकॉत पाठविला.
प्राप्त माहितीनुसार राजासाबवर त्याच्या मूळ गावी अंत्यसंस्कार करण्यात येणार आहेत. दरम्यान, गेल्या आठवड्यात मये परिसरात इमारतीवरून पडल्याने अन्य एक मजूर मृत्युमुखी पडला होता, अशी माहिती आजच्या घटनेनंतर समोर आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.