Leopard in Mulgao Bicholim: दीड महिन्यापूर्वी मुळगावात धुमाकूळ घातलेल्या बिबट्याला पकडण्यात वन खात्याला यश आले होते. मात्र, आता आणखी एका बिबट्याचा मुळगावात संचार सुरू झाल्याने लोकांमध्ये घबराट पसरली आहे.
रात्रीच्यावेळी हा बिबट्या लोकवस्तीतील रस्त्यांवर फिरताना काहीजणांच्या निदर्शनास आला आहे. गावात पुन्हा एकदा बिबट्याचे दर्शन झाल्याने लोक भयभीत झाले आहेत. या बिबट्याला पकडण्यासाठी वन खाते सज्ज झाले असून, बिबट्याला पकडण्यासाठी मुळगावात सापळाही लावला आहे.
ऑगस्ट महिन्यात एका बिबट्याने मुळगावात लोकवस्तीजवळ दहशत माजवली होती. मात्र, अखेर 14 ऑगस्टच्या मध्यरात्री हा बिबट्या वन खात्याने लावलेल्या पिंजऱ्यात अडकला. बिबट्याला पकडल्यानंतर मुळगावातील जनतेने सुटकेचा श्वास घेतला होता.
लोकवस्तीत वावर
आणखी एका बिबट्याचा संचार सुरू झाल्याने लोक पुन्हा भीतीच्या सावटाखाली वावरत आहेत. श्री तळेश्वर घुमटीकडून गावाकडे येणाऱ्या रस्त्यावर सोमवारी रात्री काही युवकांना या बिबट्याचे दर्शन घडले.
दीड महिन्यापूर्वी ज्याठिकाणी बिबट्या पिंजऱ्यात अडकला होता, तेथून साधारण एक किलोमीटर अंतरावर या बिबट्याचे दर्शन घडले. लोकवस्तीजवळ बिबट्याच्या संचारामुळे रात्रीच्यावेळी लोक घराबाहेर पडण्याचे धाडस करत नाहीत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
