भुसारी मालाच्या दुकानाला आग लागून माल जळून खाक

काणकोण: पैगीण बाजारातील जयप्रकाश पैगीणकर यांच्या भुसारी मालाच्या दुकानाला आग लागून दुकानातील सर्व माल जळून खाक झाला. ही आग उत्तररात्री अडीच वाजण्याच्या सुमारास लागली. या आगीत सुमारे अडीच लाख रूपयांची मालमत्ता जळाली असे दुकानदार जयप्रकाश पैगीणकर यांनी सांगितले.

आगीच्या घटनेची माहिती मिळताच अग्नीशामक दलाचा बंब घटनास्थळी दाखल झाला. मात्र त्यापूर्वीच आग दुकानभरपसरली होती.या आगीची झळ शेजारच्या दुकानालाही लागली आहे. आग दुकानाच्या मागे लागून ती नंतर पसरली असे पैंगीणकर यांनी सांगितले.