Goa Tourism : देशभरातील पर्यटकांचे पाय वळले गोव्याकडे; किनारे गजबजले

पर्वरीत वाहतूक संथगतीने; लाँग विकेंडचा व्यावसायिकांना फायदा
Traffic jam In Goa
Traffic jam In GoaDainik Gomantak

Goa Tourism : मे महिन्यातील संपत आलेल्या शाळांच्या सुट्या आणि ‘विकेंड’मुळे देशभरातील पर्यटकांचे पाय गोव्याकडे वळले आहेत. यात परदेशी पर्यटकांचीही भर पडल्याने या कडक उन्हातही गर्दीने फुललेले किनारे, वाहनांनी भरलेले रस्ते, बुकिंग फुल्ल झालेली हॉटेल्‍स अशी स्थिती पाहायला मिळत आहे. त्यामुळे मंदिरे आणि चर्च परिसरही गजबजले आहेत.

पर्वरीत रस्‍त्‍याच्‍या दुतर्फा वाहने पार्क करण्‍यात आल्‍याने बराचकाळ वाहतूक संथ होती. सध्‍या राज्यातील उकाडा वाढल्याने स्थानिकांचे पायही किनाऱ्यांकडे वळले आहेत. कळंगुट, बागा, अंजुणासह दक्षिण गोव्यातील कोलवा, वार्का, बाणावली, पाळोळे किनाऱ्यांवर गजबजाट वाढला आहे.

Traffic jam In Goa
Bandhara On Khandepar River : म्हादईचे पात्र कोरडे पडल्‍यानंतर जाग आली का? बंधारा नकोच!

कोरोनामुळे मागील काही काळापासून बंद असलेल्‍या पर्यटनाला चांगलीच उभारी मिळाली असून, राज्यातील पर्यटन व्यावसायिकांना दिलासा लाभला आहे, असे मत ट्रॅव्हल ॲन्‍ड टुरिझम असोसिएशन ऑफ गोवाचे अध्यक्ष नीलेश शहा यांनी व्यक्त केले आहे.

वाढत्या पर्यटनाचा फायदा हॉटेल मालक, टॅक्सी चालक यांच्याबरोबर किनाऱ्यांवरील शॉकधारक आणि छोट्या व्यावसायिकांना होत आहे. मे महिना संपत आल्याने पर्यटनाला वेग आला आहे. मॉन्सूनचे वेध लागल्याने उरलेल्‍या काही शॅकधारकांनी आपले शॅक काढण्यासही सुरुवात केली आहे.

Traffic jam In Goa
स्वत:च्या मालमत्तेत धार्मिक कार्यास मनाई मूलभूत अधिकारांचे उल्लंघन; शिवोलीच्या 'त्या' चर्चवरील बंदी उठली

समुद्र स्नानासाठीही गर्दी

मे महिन्याच्या शेवटी समुद्रस्नान करण्याची परंपरा राज्यात आहे. त्यामुळे अनेक लोक समुद्र स्नानासाठी किनाऱ्यांवर गर्दी करत असून, दिवसभर समुद्र स्नानाचा आनंद लुटताना दिसत आहेत.
 
सर्वाधिक आकर्षण क्रूझ बोट, कॅसिनोंचे

सध्या पर्यटकांना सर्वांत जास्त आकर्षण क्रूझ बोट आणि कॅसिनोंचे असून, मोठ्या प्रमाणात पर्यटक आनंद घेत आहेत. कॅसिनो चालकांनी या विकेंडचा फायदा घेत अनेक कार्यक्रमांचे आयोजन केले आहे. त्यामुळे सध्‍या कॅसिनो फुल्ल दिसत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com