HC of Bombay at Goa On Domnic and Joan D'Souza Case: स्वत:च्या मालमत्तेत धार्मिक कार्यास मनाई मूलभूत अधिकारांचे उल्लंघन आहे. असे म्हणत मुंबई उच्च न्यायालयाच्या गोवा खंडपीठाने शिवोली येथील फोर पिलर्स या बिलीवर्स चर्चमध्ये धार्मिक सभा व कार्यक्रम घेण्यास घातलेली बंदी उठवली आहे.
जिल्हाधिकाऱ्यांनी लोकांच्या मागणीनंतर जुआन व डॉमनिक डिसोझा या दाम्पत्याला धार्मिक सभा घेण्यास बंदी घातली होती. न्यायालयाने शुक्रवारी बंदी उठवताना या निर्णायावर ताशेरे ओढले आहेत.
स्वत:च्या मालमत्तेत धार्मिक कार्यास मनाई मूलभूत अधिकारांचे उल्लंघन आहे. पुराव्यांची शहनिशा न करताच अधिकारी आपल्या अधिकारांचा गैरवापर करून अशाप्रकारचे आदेश देत आहेत. अशी टिप्पणी न्यायालयाने केली आहे.
न्यायमूर्ती महेश सोनक आणि न्यायमूर्ती वाल्मिकी मिनेझिस यांचा समावेश असलेल्या गोवा खंडपीठाने धर्म परिवर्तनाचा आरोप असलेल्या ख्रिश्चन जोडप्याविरुद्ध जिल्हा दंडाधिकार्‍यांनी CrPC कलम 144 अन्वये दिलेला आदेश रद्द केला आहे.
जुआन व डॉमनिक डिसोझा या दोघांविरोधात पोलिस स्थानकात तक्रार दाखल करण्यात आल्या आहेत. या तक्रारींचा अहवाल पोलिस अधिक्षकांनी जिल्हाधिकाऱ्यांना दिली होता. याचिकाकर्त्या आणि तिच्या पतीला खाजगी मालमत्तेत, कायद्याच्या मर्यादेत राहून धार्मिक कार्य करण्याचा अधिकार आहे. असे न्यायालयाने म्हटले आहे.
शिवोली येथील फोर पिलर्स या बिलीवर्स चर्चमध्ये धर्मांतर केले जात असल्याच्या तक्रारी प्राप्त झाल्या होत्या. याबाबत पोलिस अधीक्षकांनी तक्रारींचा अहवाल जिल्हाधिकाऱ्यांना सादर केला. दरम्यान, उत्तर गोवा जिल्हाधिकारी मामी हागे यांनी 28 डिसेंबर 2022 कलम 144 अंतर्गत फोर पिलर्स या बिलीवर्स चर्चमध्ये धार्मिक सभा व कार्यक्रम घेण्यास घातलेली बंदी घातली.
याप्रकरणी निर्णय देताना स्वत:च्या मालमत्तेत धार्मिक कार्यास मनाई मूलभूत अधिकारांचे उल्लंघन असल्याचे म्हणत बिलीवर्स चर्चवरील बंदी उठवण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.