पणजी: ‘बावी’ चक्रीवादळामुळे गोव्यासह देशभरात मान्सूनचा जोर लक्षणीयरीत्या कमी झाला आहे. परिणामी शेतकऱ्यांच्या कपाळाला आठ्या पडल्या असून जलसाठ्यावरही परिणाम होण्याची भीती व्यक्त केली जात आहे.
जुलैच्या मध्यातही कडक उन्हाचा तडाखा कायम आहे. राज्यात आत्तापर्यंत सरासरीच्या तुलनेत सुमारे ३३ टक्के पावसाची तूट नोंदविण्यात आली आहे. गोवा वेधशाळेचे संचालक नहुष कुलकर्णी यांनी सांगितले की, चीनच्या पूर्व किनारपट्टीला निर्माण झालेल्या ‘बावी’ चक्रीवादळामुळे मान्सूनचा प्रभाव कमकुवत झाला आहे.
तसेच बंगालच्या उपसागरात कमी दाबाचे पट्टे निर्माण न झाल्याने मान्सूनला आवश्यक बळ मिळालेले नाही. शिवाय उत्तरेकडून येणाऱ्या कोरड्या वाऱ्यांचाही प्रभाव वाढला आहे. निवृत्त हवामान शास्त्रज्ञ एम. रमेशकुमार यांनी सांगितले की, ‘बावी’ चक्रीवादळामुळे मान्सूनचे वारे चीनच्या दिशेने खेचले गेल्याने ही स्थिती निर्माण झाली आहे.
तापमानात प्रचंड वाढ; उन्हाच्या झळा
पावसाअभावी राज्यातील कमाल तापमान सोमवारी ३३.५ अंश सेल्सिअस, तर किमान तापमान २७.४ अंश सेल्सिअस इतके नोंदविण्यात आले. हे तापमान सरासरीपेक्षा अनुक्रमे ४.१ अंश आणि ३.१ अंश सेल्सिअसने अधिक आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
