Banastarim Bridge Accident: बाणस्तारी अपघात प्रकारण रोज नवे वळण घेत आहे. मेघना सावर्डेकरला 23 ऑगस्टपर्यंत अटक न करण्याचे निर्देश फोंडा उत्तर गोवा सत्र न्यायालयलाने दिले आहेत. याआधी कोर्टाने आज 16 ऑगस्टपर्यंत मेघनाला अटक न करण्याचे निर्देश पोलिसांना दिले होते त्याची मुदत आज संपली आहे.
आता या प्रकरणातील पुढील सुनावणी 23 ऑगस्टला होणार आहे. दरम्यान, पती परेश सावर्डेकरला 14 दिवसांची न्यायालयीन कोठडी सुनावण्यात आली आहे. अजूनही प्रकरणात ठोस कोणतीच कारवाई झाली नसल्याने नागरिकांनी पोलिसांच्या कामावर प्रश्नचिन्ह उपस्थित केले आहे. त्यामुळे संतप्त जमावाने याविरोधात मेणबत्ती मोर्चाही काढला.
दरम्यान, आमदार राजेश फळदेसाई यांनी या प्रकरणात उडी घेतली असून म्हार्दोळ पोलीस हे प्रकरण सांभाळण्यासाठी असमर्थ असल्याचे मत त्यांनी व्यक्त केले आहे. याप्रकरणी आपण सोमवारी मुख्यमंत्र्यांची भेट घेणार असल्याचेही त्यांनी सांगितले.
मेघनाला सावर्डेकरला कोर्टाचा मिळालेला दिलासा नागरिकांचा आणि मृतांच्या कुटुंबियांचा रोष वाढवण्यास कारणीभूत आहे. 23 ऑगस्टला मेघनाबाबतीत न्यायालयात नेमका काय निवाडा होणार याकडे आता सर्वांचे लक्ष लागून राहिले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.