पणजी ते वास्को व परत असा प्रवास करणाऱ्या कदंब शटल व स्थानिक कदंब बसमधून प्रवास करणाऱ्या बिगर गोमंतकीयांच्या सामानामुळे इतर प्रवाशांना त्रास सहन करावा लागतो. या प्रवाशांकडून सामानाचे पैसे आकारण्यात यावे, अशी मागणी गोवा फर्स्ट या बिगर सरकारी संस्थेने कदंब महामंडळाकडे केली आहे.
गोव्यात येणारे परप्रांतीय मजूर तसेच पर्यटक आपल्या चार-पाच बॅग व इतर सामान घेऊन बस मधून प्रवास करतात. बसमध्ये चाढल्यानंतर ते आपले सामान वाटेवरच ठेवतात. त्यामुळे इतर प्रवाशांना मागच्या सीटवर जाण्यासाठी त्रास होतो.
याची दखल कंडक्टर घेत नसल्याने ते आपले सामान तसेच टाकतात. पर्यटक तसेच मजूर आपले वैयक्तिक 15 किलो ते 25 किलो पेक्षा जास्त वजनाचे सामान वाहून नेत असल्याने, दैनंदिन प्रवाशांना त्रास होतो. ज्यात कार्यालयात जाणारे कर्मचारी, रुग्ण, विद्यार्थी, वृद्ध आणि इतरांच्या समावेश असतो.
दरम्यान बहुतेक राज्य एका विशिष्ट वजनानंतर सामानाचे शुल्क आकारतात. ज्यामुळे येथील उत्पन्नात भर पडते. दरम्यान गोवा फर्स्ट या बिगर सरकारी संस्थेने कदंब महामंडळाने त्यांच्या कर्मचाऱ्यांना तातडीने सामान शुल्क आकारण्याचे निर्देश देण्यात यावे, अशी मागणी केली आहे. तसेच एवढे समान घेऊन बस प्रवास करणाऱ्या प्रवासांकडून सामानाचे भाडे का करत नाही ?याविषयी कर्मचाऱ्यांकडे चौकशी करावी, अशी मागणी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
