Babush Monserrat Rape Case: पीडितेची अर्धवट राहिलेली साक्ष आज होणार

ज्या पीडितेने महसूलमंत्री बाबूश मोन्सेरात यांच्यावर बलात्काराचा आरोप केला होता, त्या पीडितेची अर्धवट राहिलेली साक्ष मंगळवार, 22 रोजी खास न्यायाधीश इर्शाद आगा यांच्यासमोर नोंदवली जाणार आहे.

वास्तविक ही साक्ष मंगळवारपासून (ता.21) सुरू होणार होती. पण गोव्याबाहेर काम करणारी पीडित सोमवारीच येथे पोहोचल्याने ती न्यायालयात स्वतःला हजर करू शकली नाही. तिची साक्ष बंद कक्षात होणार आहे.

मंत्री बाबूश मोन्सेरात यांचा अर्ज मंजूर

बलात्कारासारख्या गंभीर आरोपात अडकलेले महसूल मंत्री बाबूश मोन्सेरात यांना खास न्यायालयाकडून तात्पुरता दिलासा मिळाला आहे. या प्रकरणाच्या सुनावणीस कायमचे गैरहजर राहण्यासाठी त्यांनी केलेला अर्ज खास न्यायाधीश इर्शाद आगा यांनी सशर्त मंजूर केला.

बाबूश मोन्सेरात यांना या सुनावणीस गैरहजर राहण्याची परवानगी देताना न्यायालयाला गरज वाटल्यास त्यांना प्रत्यक्ष किंवा व्हिडीओ कॉन्फरन्सिंग द्वारे सुनावणीस हजर व्हावे, लागेल अशी अट घालण्यात आली आहे.

बलात्कार प्रकरण

2016 साली मोन्सेरात यांच्या विरोधात हा गुन्हा नोंद झाला होता. एका 16 वर्षीय मुलीला तिच्या आईकडून 50 लाख रुपयांना विकत घेऊन नंतर तिला गुंगीचे औषध पाजून तिच्यावर बलात्कार केल्याचा आरोप त्यांच्यावर ठेवण्यात आला होता. या प्रकरणात त्या मुलीच्या आईलाही सह आरोपी करण्यात आले आहे.

आता या प्रकरणी 5 जून पुढील सुनावणी होणार असून त्या दिवशी त्या पिडीतेची महत्वाची साक्ष होणार आहे. 5 जूनपासून या प्रकरणी दर आठवड्याला तीन दिवस म्हणजे सोमवार, बुधवार व शुक्रवार असे तीन दिवस हे प्रकरण सुनावणीस येणार आहे.