म्हापसा : गोवा नागरी आणि ग्राहक कृती नेटवर्क (गोवा कॅन) ग्राहक हक्क, तक्रार प्रक्रिया आणि ग्राहकांसाठी उपलब्ध असलेल्या निवारण यंत्रणेबद्दल जागरूकता वाढवण्यासाठी १५ एप्रिलपर्यंत विशेष मोहीम राबवणार आहे. या पार्श्वभूमीवर, गोवा कॅनच्या पदाधिकाऱ्यांनी म्हापशातील कदंब बसस्थानकावर ग्राहकांमध्ये जागृती केली.
ग्राहक हक्कांविषयी गोवा कॅनने मंगळवारी, म्हापशातील केटीसीएल स्थानकावर जनजागृती केली. या अभियानाचे उद्दिष्ट हे ग्राहकांमध्ये त्यांच्या अधिकारांविषयी जागृती करणे आहे. सध्या मिठाईच्या दुकानांतील ट्रेवर किंवा डब्यांवर मिठाईची एक्सपायरी (मुदतबाह्य) तारीख काय किंवा पदार्थ कधीपर्यंत खाण्यासाठी योग्य आहे, याची तारीख टाकण्याचे निर्देश आहेत. मात्र, अजूनही याची अंमलबजावणी होताना दिसत नाही, असे गोवा कॅनचे समन्वयक रोलंड मार्टिन्स म्हणाले.
बसस्थानकावर केटीसीएलचे कंट्रोल कक्ष आहे. पूर्वी या कक्षाच्या शेजारीच केटीसीएल कर्मचाऱ्यांसाठी विश्रांतीसाठी खोली होती. मात्र, ही खोली आता बंद करून तिथे दुकान थाटण्यास परवानगी दिली आहे. अशावेळी कर्मचाऱ्यांनी कुठे विश्रांती करावी. बसस्थानकाच्या प्लॅटफॉर्मवर चहाचे एक बेकायदा दुकान थाटले आहे. हे दुकान पाडण्याचे निर्देश असताना प्रशासकीय यंत्रणा ते मोडण्यास चालढकलपणा करीत आहे.
- रोलंड मार्टिन्स, समन्वयक, गोवा कॅन
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.