South Goa: खाण, पाणवठे येथे जाणे, पोहणे टाळा; साऊथ गोव्याच्या जिल्हाधिकाऱ्यांच्या सूचना

हेल्पलाईन, नियंत्रण कक्षाचे संपर्क क्रमांक जाहीर
Drowned incedents in South Goa
Drowned incedents in South GoaDainik Gomantak

South Goa Collector order: गोव्यात पावसाला चांगली सुरवात झाल्यानंतर अनेक धबधबे प्रवाहीत झाले आहेत. त्यामुळे वर्षा पर्यटनालाही जोर आला. तथापि, राज्यात गेल्या आठवड्याभरात बुडून मृत्यू झाल्याचे अनेक प्रकार समोर आले आहेत.

त्या पार्श्वभुमीवर आता दक्षिण गोव्याच्या जिल्हाधिकाऱ्यांनी पाणवठ्यांच्या ठिकाणी जाणे, अशा ठिकाणी पोहणे टाळा, अशा सूचना दिल्या आहेत.

Drowned incedents in South Goa
Goa Monsoon 2023: राज्यात पावसाचा जोर कमी होत असताना तापमानात वाढ

दक्षिण गोवा जिल्ह्याचे जिल्हाधिकारी ए. अश्विन चंद्रू यांनी याबाबतचे परिपत्रक काढले आहे. त्यात म्हटले आहे की, यंदाच्या मॉन्सून काळात दक्षिण गोव्यात बुडून मृत्यू होण्याचे अनेक प्रकार समोर आले आहेत.

त्यामुळे सर्वसामान्य नागरीक, पर्यटकांना असे आवाहन करण्यात येत आहे की, त्यांनी पावसाळ्यात पाणवठे, तलाव, नद्या, धबधबे, खाण, खड्डे इत्यादींमध्ये जाणे, तिथे आंघोळ करणे, पोहणे इत्यादी गोष्टी टाळाव्यात.

बुडून मृत्यूच्या घटना टाळण्यासाठी हे आवाहन केले गेले आहे. यामध्ये लोकांच्या मदतीसाठी हेल्पलाइन/नियंत्रण कक्ष क्रमांक देखील नमूद केले आहेत.

बुडण्याबाबत अशी कोणतीही माहिती मिळाली तर जिल्हा नियंत्रण कक्ष क्रमांक- 2794100, इमर्जन्सी सर्व्हिस- 112, अग्निशमन आणि इमर्जन्सी सर्व्हिस- 101, 7447746807 या क्रमांकावर संपर्क साधण्याचे आवाहन देखील या परीपत्रकातून केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com