Goa: ‘ऑटिझम’ग्रस्त व्यक्तींसाठी एक ‘केअर सेंटर’ निर्माण करणे तसेच त्यांना सरकारी नोकऱ्यांमध्ये आरक्षण देणे काळाची गरज आहे. सर्व सार्वजनिक ठिकाणे दिव्यांग व्यक्तींसाठी सुलभ बनविण्यासाठी सरकारने प्रयत्न करावेत, अशी मागणी विरोधी पक्षनेते युरी आलेमाव यांनी मुख्यमंत्री डॉ. प्रमोद सावंत यांच्याकडे केली आहे.
गोव्यात शुक्रवार, 6 ते रविवार, 8 रोजीपर्यंत तीन दिवसीय पर्पल फेस्ट-2023 च्या अनुषंगाने विरोधी पक्षनेत्यांनी एक निवेदन जारी केले आणि गोव्यातील दिव्यांग हक्क संघटनेला आपला संपूर्ण पाठिंबा व्यक्त केला.
गोवा राज्य दिव्यांग व्यक्ती आयोगाने नेहमी जागरूक राहावे. आर्थिक फायद्यासाठी स्वार्थी लोकांना दिव्यांगांच्या योजनांचा फायदा घेण्यास देऊ नये, असे आवाहन युरी आलेमाव यांनी केले आहे.
अधिसूचनेचा अवलंब करावा
भारत सरकारने 2021मध्ये ऑटिझम असलेल्या व्यक्तींसाठी आरक्षण अधिसूचित केले आहे. आणि ऑटिझम व्यक्ती तसेच दिव्यांग व्यक्तींसाठी राखीव असलेल्या पदांच्या श्रेणी देखील जाहीर केल्या आहेत. गोवा सरकारने या अधिसूचनेचा अवलंब करून त्याची प्रभावीपणे अंमलबजावणी करावी, अशी मागणी युरी आलेमाव यांनी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
