पार्से देवस्‍थानच्‍या उत्‍सवाला मुख्यमंत्री प्रमोद सावंतांची उपस्‍थिती

मोरजी: मुख्यमंत्री डॉ. प्रमोद सावंत यांनी अक्षय्य तृतियेच्या शुभमुहूर्तावर पार्से येथे श्री सातेरी देवीच्या मूर्तिप्रतिष्‍ठापना सोहळ्याला उपस्थिती लावून श्री देवी भगवती आणि श्री देवी सातेरीचे दर्शन घेतले. यावेळी त्यांच्यासोबत माजी मुख्यमंत्री प्रा. लक्ष्मीकांत पार्सेकर, देवस्थानचे पदाधिकारी आनंद देसाई व अन्य पदाधिकारी उपस्थित होते. मुख्‍यमंत्री म्‍हणाले की, पार्से गावातील श्री देवी भगवती आपली कुलदेवता आहे. त्यामुळे तिच्या प्रत्येक उत्सवाला आम्ही कुटुंबीयांसोबत उपस्थिती लावून आशीर्वाद घेतो. अशा प्रकारचे उत्सव लोकांना एकत्रित आणतात.