37th National Games Goa: गोव्यातील 37 व्या राष्ट्रीय क्रीडा स्पर्धेसाठी देशभरातून खेळाडू गोव्यात येण्यास सुरवात झाली आहे. आज, मंगळवारी काही खेळाडू दाबोळी विमानतळावर दाखल झाले.
राज्याचे क्रीडा मंत्री गोविंद गावडे यांनी या विमानतळावर या खेळाडूंचे स्वागत केले. या वेळी वास्कोचे आमदार कृष्णा साळकरदेखील उपस्थित होते. दरम्यान, स्पर्धेचे व्हेन्यू कमांडंट्स आणि एक्झिक्युटिव्ह समन्वयकांसमवेत क्रीडा मंत्री गोविंद गावडेंनी आढावा बैठक घेतली.
विविध राज्यांमधून आज, सुमारे 156 खेळाडू गोव्यात दाखल झाले आहेत. राष्ट्रीय क्रीडा स्पर्धेला 19 ऑक्टोबरपासून सुरवात होत आहे. त्या दिवशी बॅडमिंटनच्या सामन्यांना सुरवात होईल. त्यामुळे स्पर्धेस प्रारंभ होण्यास अवघे 2 दिवस स्पर्धेला उरले आहेत.
तर 26 ऑक्टोबर रोजी पंतप्रधान मोदींच्या उपस्थितीत स्पर्धेचा उद्घाटन सोहळा रंगणार आहे. 9 नोव्हेंबरपर्यंत ही स्पर्धा चालणार आहे.
दरम्यान, स्पर्धेची तयारी पूर्ण झाली आहे, आम्ही स्पर्धेसाठी सज्ज आहोत, असे क्रीडा मंत्री गोविंद गावडे यांनी म्हटले आहे. देशभरातून येणाऱ्या खेळाडूंसाठी कांपाल येथे क्रीडानगरी उभारली जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.