Goa Crime News: पूर्वाश्रमीच्या पत्नीसह अल्पवयीन मुलीला केली मारहाण; वकीलावर गुन्हा दाखल

Goa Crime News: आपल्या पूर्वाश्रमीत पत्नीसह तिच्या आठ वर्षीय मुलीला धमकी देत शिवीगाळ तसेच मारहाण केल्याप्रकरणी म्हापसा पोलिसांनी ऍड. शंकर फडते यांच्यावर गुन्हा दाखल केला. त्यांच्या विरोधात भारतीय दंड संहिता कलम ५०४, ५०९, ३२३, ३४१, ५०६(२), ३४ तसेच गोवा बाल कायद्याच्या कलम ८ अंतर्गत हा गुन्हा नोंदविण्यात आलाय.

उपलब्ध माहितीनुसार, ही मारहाणीची घटना 21 जुलै रोजी म्हापसा शहरातील एका शाळेजवळ घडली. संशयित फडते यांनी आपल्या पूर्वाश्रमीत पत्नीला व तिच्या मुलीला घटनास्थळी गाठून शिवीगाळ करीत मारहाण केली.

त्याचप्रमाणे, त्यांना जीवे मारण्याची धमकी दिली. यावेळी संशियतासोबत एक महिला सुद्धा हजर होती. त्यानुसार, तक्रारदार ३७ वर्षीय पीडितेने तिला व तिच्या मुलीची अडवणूक करून वरील संशयितांकडून धमकी व

मारहाण केल्याप्रकरणी म्हापसा पोलीस स्थानकात लेखी तक्रार दिली. त्यानुसार, पोलिसांनी दोघांवर गुन्हा दाखल केला.