हरमल: येथील नानोस्करवाड्यावर साधारण दोन महिन्यानंतर पुन्हा बिबट्याचे दर्शन झाल्याने नानोस्कर कुटुंबीय भीतीच्या छायेत वावरत असल्याने परिसरात कमालीची अस्वस्थता पसरली आहे. स्थानिक तसेच देशी-विदेशी पर्यटक टेम्पल रोडचा वापर करीत असतात. त्या मार्गातील या घरांच्या अंगणात, बिबट्यापासून धोका निर्माण झाला आहे.
२० मार्च रोजी पहाटे २ च्या सुमारास बिबट्या सीसीटिव्हीत कैद झाला. सुदैवाने नानोस्कर यांनी पाळीव कुत्र्याला पिंजऱ्यात ठेवले होते, तेव्हा बिबट्याने झडप घालण्याचा प्रयत्न केला. पिंजऱ्यात असलेल्या कुत्र्याने धाव घेतली, त्यासरशी बिबट्या मागे हटला व पाहत राहिला. कुत्रा जेरबंद असल्याचे दिसून आल्याने बिबट्या आल्या पावली माघारी फिरला.
मात्र त्याला चटक लागल्याने पुन्हा बिबट्या त्या ठिकाण येण्याची शक्यता आहे. पेडणे वन खात्याने याची दखल घेऊन बिबट्या जेरबंद होईपर्यत सापळा लावावा व बिबट्यांपासून ग्रामस्थांचे संरक्षण करावे, अशी मागणी ग्रामस्थांनी केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
