GPSC Recruitment: GPSC मधून नियुक्त झालेल्या सदस्यांना कोंकणीचे ज्ञान नाही; कृष्णा पंडित यांंनी उपस्थित केला सवाल

GPSC Recruitment Controversy: गोवा लोकसेवा आयोग (GPSC) मध्ये गोव्याबाहेरच्या सदस्यांच्या नियुक्तीमुळे वाद निर्माण झाला आहे. GPSC मधून नियुक्त झालेल्या सदस्यांना कोंकणीचे ज्ञान नाही, मग त्यांना नियुक्त कसे केले जाऊ शकते, असा सवाल कृष्णा पंडित यांनी व्यक्त केला आहे.

गोव्याचे राज्यपाल पी एस श्रीधरन पिल्लई यांना लिहिलेल्या पत्रात, पंडित यांनी त्या नियुक्त सदस्याच्या कार्यमुक्तीची मागणी केली आहे, तसेच गोव्यात सेवा करत असताना ते नाशिकच्या महाराष्ट्र आरोग्य विज्ञान विद्यापीठात उप कुलसचिव पदावर कार्यरत आहेत, असा आरोपही केला आहे.

त्यांची जीपीएससी सदस्य म्हणून नियुक्ती निव्वळ राजकीय पक्षपातीपणा आणि जातीय विचारांवर आधारित आहे. त्याना GPSC चे सदस्य म्हणून नियुक्त करण्यासाठी कोकणी भाषेचे ज्ञान, प्रशासकीय अनुभव इत्यादींचा अभाव आहे.

त्याने जीपीएससीचे सदस्य होण्यासाठी अर्ज केला आहे की नाही याचीही खातरजमा करणे आवश्यक आहे. यातून असे दिसून येते की नियुक्तीची प्रक्रिया सरकारच्या काही अधिकाऱ्यांनी किंवा मुख्यमंत्र्यांनी कोणतीही चौकशी किंवा छाननी न करता मनमानी पद्धतीने केली आहे. असे पंडित यांनी पत्रात लिहिले आहे.

सध्याचे बिगर गोमंतकीय सदस्य पदासाठी आवश्यक पात्रता पूर्ण करत नसल्याचा आरोप करून, लवकरात लवकर आवश्यक कारवाई न केल्यास नियुक्तीला आव्हान देत पंडित यांनी न्यायालयात जाण्याचा इशारा दिला आहे.