Goa Congress : प्रदेश काँग्रेस समितीने विधानसभानिहाय आठ गटसमितींच्या अध्यक्षांची निवड मंगळवारी जाहीर केली. उपाध्यक्ष एम. के. शेख यांनी आठ अध्यक्षांच्या नावांची यादी जाहीर केलेली आहे. या यादीमध्ये पेडण्यासाठी रुद्रेश देशप्रभू, वाळपईमध्ये कृष्णा नेने, पर्येत रमेश शिरोडकर, कुंभारजुवेमध्ये विशाल वळवईकर, वास्कोत मेल्विन फर्नांडिस, सांगेमध्ये चंदा वेळीप, काणकोणमध्ये अबेल बोर्ग आणि सांताक्रूझमध्ये जॉन नझारेथ यांचा समावेश आहे.
देशात पार पडलेल्या पाच राज्यांच्या विधानसभा निवडणूकांमध्ये काँग्रेस पक्षाला सत्ता खेचून आणता आलेली नाही. काँग्रेस पक्ष हा देशातील सर्वात जुना पक्ष आहे. यावरून काँग्रेस या पाचही राज्यात संघटनात्मक बदल करण्याचे ठरवले होते. त्याप्रकारे इतर राज्यात तसे बदल केले. तसाच बदल गोव्यातही करण्यात आला असून गोवा काँग्रेसमध्ये संघटनात्मक बदल करण्यात आले. काँग्रेसकडून प्रदेशाध्यक्ष अमित पाटकर यांच्याकडे राज्य काँग्रेसचे नेतृत्व देण्यात आले.
प्रदेशाध्यक्ष अमित पाटकर यांच्याकडे राज्य काँग्रेसचे नेतृत्व आल्यानंतर नव्या समित्या निवडल्या गेल्या होत्या. २२ गटसमित्यांचे पुनर्गठन करण्यात आले होते. परंतु काही कालावधीत त्या समित्या बरखास्त करण्यात आल्या. मंगळवारी प्रदेश काँग्रेस समितीने विधानसभानिहाय आठ गटसमितींच्या अध्यक्षांची निवड जाहीर केली.
नव्याने जाहीर झालेल्या आठ समित्यांतील पेडणे गट समितीचे अध्यक्षपदी रद्रेश देशप्रभू, कुंभारजुवेमध्ये विशाल वळवईकर, वाळपईमध्ये कृष्णा नेने, पर्येत रमेश शिरोडकर, वास्कोत मेल्विन फर्नांडिस, सांगेमध्ये चंदा वेळीप, काणकोणमध्ये अबेल बोर्ग आणि सांताक्रूझमध्ये जॉन नझारेथ यांची अध्यक्षपदी नियुक्ती करण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.