Anjuna Police News: काही दिवसांपुर्वीच हणजुणे परिसरात गोवा पोलिसांनी एक रेस्क रॅकेट उद्धस्त करत काही परदेशी तरूणींना अटक केली होती. या प्रकरणात आता आणखी एकाला अटक करण्यात आली आहे. हणजुणे पोलिसांनी ही कारवाई केली.
म्हापसाचे एसडीपीओ जिवबा दळवी यांनी ही माहिती दिली. त्यांच्या माहितीनुसार या रॅकेटमध्ये आणखी एका परदेशी व्यक्तीचा सहभाग उघड झाला आहे.
हणजुणे पोलिसांनी दिलेल्या माहितीनुसार त्यांचे एक पथक बंगळूरू येथे गेले होते. पोलिस उपनिरीक्षक साहिल वारंग यांनी या पथकाचे नेतृत्व केले. ओलोकपा या नायजेरीयन व्यक्तीच्या शोधासाठी हे पथक बंगळूरूला गेले होते.
मानवी तस्करीच्या गुन्हयात तो फरार होता, पोलिसांना तो हवा आहे. हणजुणे पोलिसांनी स्थानिक पोलिसांच्या सहकार्याने दोन ठिकाणांवर शोध घेतला. पण दोन्ही ठिकाणी पोलिस पोहचण्याआधी फरार होण्यात तो यशस्वी ठरला.
दोन्ही ठिकाणी त्याला चार्ल्स आयहन (वय 32) या नायजेरीयन व्यक्तीने त्याला मदत केली होती. त्यामुळे चार्ल्स याचा मोबाईल फोन तपासला असता त्याने ओलोकपा याला पोलिसांच्या हालचालींची माहिती पुरवत होता, हे समोर आले.
त्यामुळे चार्ल्स याला अटक करण्यात आली आहे. त्याला 5 दिवसांची पोलिस कोठडी सुनावण्यात आली आहे. पोलिस निरीक्षक प्रशाल देसाई हे अधिक तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
