Accident Case: अंकित त्रिपाठीचा नव्याने जामीन अर्ज; उद्या सुनावणी

Mandovi Accident Case Update:

जुन्या मांडवी पुलावरील अपघाताला कारणीभूत असलेल्या रेंट ए कारचा ओडिशाचा पर्यटक चालक अंकित त्रिपाठी याने जामिनासाठी अर्ज केला आहे. त्याच्या या अर्जावरील सुनावणी 29 फेब्रुवारीला पणजी सत्र न्यायालयाने ठेवली आहे.

अपघातप्रकरणी पोलिसांनी गुन्हा दाखल करून अंकितची जबानी नोंदवून घेतली आहे तसेच रक्त तपासणीही केली आहे. या प्रकरणाचा तपास पूर्ण होत आला आहे तसेच त्याला न्यायालयीन कोठडीत ठेवण्यात आल्याने जामीन मंजूर करावा, अशी विनंती सत्र न्यायालयाकडे संशयित अंकितने केली आहे.

पोलिसांनी संशयिताला अपघातप्रकरणी त्याच दिवशी ताब्यात घेतले होते. त्यावेळी त्याची मद्यचाचणी केली असता त्याने मद्यप्राशन केल्याचे प्रथमदर्शनी उघड झाले होते. या अपघातात मांडवी नदीत बुडालेला जावेद सडेकर याचा मृतदेह सापडला नव्हता.

संशयित अंकितने जामिनासाठी अर्ज केल्यावर त्याला पणजी पोलिसांनी ताब्यात घेतले होते व सदोष मनुष्यवधाचा गुन्हा दाखल केला होता. पोलिसांनी

पोलिस कोठडी मागूनही न्यायालयाने त्याची न्यायालयीन कोठडीत रवानगी केली होती. त्याच्या या कोठडीत आणखी दहा दिवसांनी न्यायालयाने वाढ केली आहे. त्याची रवानगी कोलवाळ येथील कारागृहात करण्यात आली आहे.