Goa Crime
Goa CrimeDainik Gomantak

Goa Crime: हडफडे येथील चाकू हल्ल्याप्रकरणी आणखी चौघांना अटक

पूर्व वैमनस्यातून हा हल्ला करण्यात आला आल्याचा संशय
Published on

नागवा हडफडे येथे शनिवारी पहाटे दारूच्या नशेत तरुणांच्या टोळक्याने आपल्याच मित्रावर सपासप वार करून चाकूने भोसकल्याची घटना घडली होती. यात रवी शिरोडकर (30) हा युवक जबर जखमी झाला होता. या युवकाला गोमेकॉत दाखल करण्यात आले आहे. दरम्यान पोलिसांनी टारझन पार्सेकर या तरुणाला या प्रकरणात गजाआड केले होते. आता हणजूण पोलिसांनी आणखी चार जणांना अटक केली आहे.

(Anjuna Police have arrested 04 more accused persons in connection with stabbing Ravi Shirodkar)

मिळालेल्या माहितीनुसार हडफडे येथे नागवा सर्कल जवळ ही घटना घडली. बाईक व्यावसायिक रवी शिरोडकर हा रात्री एका पार्टीला गेला होता. पहाटे साडे तीनच्या सुमारास याला मित्राचा फोन आला, त्यानंतर तो पुन्हा मित्रांबरोबरच बाहेर पडला. तो व त्याचे काही मित्र नागवा सर्कलजवळ उभे असताना इनोव्हा व बलेनो कारमधून आठ ते दहाजण या ठिकाणी आले. ज्यातील चार- पाच जणांनी रवीवर सुरीने हल्ला केला.

Goa Crime
Panaji Police: पर्यटकांना धाक दाखवत दागिने लुटणाऱ्याच्या मुसक्या आवळल्या

यात नागवा येथील संशयित टारझन पार्सेकर व आणखी तिघांनी रवीच्या पोटावर सुऱ्याने वार केले होते. पार्सेकर तर पोलिसांच्या ताब्यात आहे. यात आणखी चार जणांना पोलिसांनी अटक केली. 1. शैलेश चंदू नाईक रा. कामुर्ली बार्देश गोवा, 2. सिद्धांत मांद्रेकर रा. साळगाव, 3. अमन रोहिदास शिरोडकर रा. साळगाव आणि 4. प्रशांत दासा राजू रा. नागोवा. अशी अटक केलेल्यांची नावे आहेत.

Goa Crime
Mormugao: कायद्याचा रक्षक बनला भक्षक; महिलेच्या विनयभंगप्रकरणी PSI वर गुन्हा दाखल

हल्ला पूर्वनियोजित : उदय शिरोडकर

चाकूहल्ल्यात जखमी झालेला रवी शिरोडकर हा बागा येथील श्री बाबरेश्वर देवस्थान समितीचे माजी अध्यक्ष उदय शिरोडकर यांचा चुलत भाऊ आहे. हा हल्ला पूर्वनियोजित असून हणजूण पोलिसांनी आरोपींची कसून चौकशी करून त्यांना गजाआड करण्याची मागणी शिरोडकर यांनी केली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com