साखळी ते होंडा या मार्गावरील खालचे हरवळे येथील जंक्शनवर बस व दुचाकीत झालेल्या अपघातात स्कूटरवरील वृध्द जोडपे सुदैवाने बचावले. बसचालकाने प्रसंगावधान राखून बस बाजूला घेतल्याने मोठा अनर्थ टळला. संध्या. 6 वा. च्या सुमारास हा अपघात घडला.
दरम्यान, जीए 04 टी 6949 ही प्रवासी बस वाळपई येथून साखळीच्या दिशेने जात असता साखळी येथून खालचे हरवळे येथे जाणाऱ्या जीए 04 के 6145 या स्कूटरवरील वृध्दाने अचानक साईड लाइट मारत उजव्या बाजूने स्कूटर वळवली. बसचालकाने प्रसंगावधान राखत ब्रेक लावत बस रस्त्याच्या बाजूला मारून घेतली. तरीही स्कूटरची बसच्या पुढील चाकाला धडक बसली. त्यात स्कूटरवरील दोघेही रस्त्यावर पडले.
मागे बसलेल्या महिलेच्या डोक्याला मार बसल्याने तिची शुद्ध हरपली तर वृद्धाला पायाला व हाताला किरकोळ मार बसला. लोकांनी महिलेला पाणी देऊन शुद्धीवर आणले. त्यानंतर 108 रुग्णवाहिकेतून दोघांनाही साखळी सामाजिक आरोग्य केंद्रात नेण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.