डिचोली, ता. २४ (प्रतिनिधी) : पंढरपूर च्या 'विठूराया'च्या दर्शनाची तीला आस लागली होती. पंढरपुरला जाण्यासाठी तिची तयारी चालू असतानाच, क्रूर काळाने तिच्यावर झडप घातली आणि 'विठूरायाच्या दर्शनाचे तिचे स्वप्न अपुरेच राहिले.
ही कहाणी आहे, हळदणवाडी-मये येथील सुधा चंद्रकांत चोडणकर (वय-६५) या वृद्ध महिलेची. आज (गुरुवारी दि. २४ ऑक्टोबर) रोजी सकाळी त्या डिचोलीच्या बाजारात कोसळल्या आणि त्यातच त्यांना दुर्दैवी मरण आले. हृदयविकाराचा झटका आल्याने त्यांना मृत्यू आल्याचे स्पष्ट झाले आहे.
दरम्यान, मयत सुधा चोडणकर या वृद्धेच्या पार्थिवावर आज सायंकाळी स्थानिक स्मशानभूमीत अंत्यसंस्कार करण्यात आले. मिळालेल्या माहितीनुसार सुधा चोडणकर ही महिला अन्य भक्तांसमवेत 'विठू माऊली'च्या दर्शनासाठी पंढरपूरला जाणार होती.
गुरुवारी रात्रीच त्या सर्वांसोबत पंढरपूरला जाणार होत्या. प्रवासात लागणाऱ्या वस्तू खरेदी करण्यासाठी त्या गुरुवारी सकाळी डिचोलीच्या बाजारात आल्या होत्या, मात्र दुर्दैवाने पंढरपूरला जाण्याआधीच त्यांना मृत्यूने गाठले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.