वास्को MPT बर्थ क्रमांक आठ येथे अमोनिया वायूची गळती, अग्निशमन दल घटनास्थळी दाखल

Ammonia gas leakage in M.P.T at Berth No.8: वास्को येथील मुरगाव पोर्ट ट्रस्टच्या बर्थ क्रमांक आठवर अमोनिया वायूची गळती झाली आहे. अग्निशमन दलाचे जवान घटनास्थळी दाखल झाले. गळती कमी प्रमाणात असल्याने अग्निशमन दलाचे जवान दाखल होण्यापूर्वी पोर्टवरील कर्मचाऱ्यांनी वायू गळतीवर नियंत्रण मिळवले.

बर्थ क्रमांक आठमध्ये अमोनिया वायू गळती झाल्याची माहिती मिळाताच अग्निशमन दलाचे जवान घटनास्थळी दाखल झाले. दरम्यान, अग्निशमन दलाचे जवान दाखल होण्यापूर्वी येथील अधिकारी आणि कर्मचाऱ्यांनी वायू गळतीवर नियंत्रण मिळवले होते. कमी प्रमाणातील गळती असल्याने त्यावर तात्काळ नियंत्रण मिळवता आले असे सांगण्यात आले.

मुरगावचे आमदार संकल्प आमोणकर घटनास्थळी दाखल झाले. MPT येथील अमोनियाच्या टाकी टाईमबॉम्ब आहेत. याबाबत वारंवार हा मुद्दा विधानसभेत उपस्थित करण्यात आल्याचे आमदार आमोणकर म्हणाले.

आज सकाळी ही घटना पण, सुदैवाने त्यावर नियंत्रण मिळवता आले. पण भविष्यात मोठी दुर्घटना घडली तर त्याला जबाबदार कोण? हा टाईमबॉम्ब आम्हाला या मतदारसंघात नको, त्याला दुसरीकडे कुठेतरी शिफ्ट करा अशी मागणी आमदार आमोणकर यांनी केली.