आमदार अपात्रताप्रकरणीची सुनावणी सर्वोच्च न्यायालयाच्या निर्देशानुसार तीन महिन्यांत पूर्ण करण्याची गरज असताना ती करण्यात आली नाही, त्यामुळे काँग्रेसचे प्रदेशाध्यक्ष अमित पाटकर यांनी मुंबई उच्च न्यायालयाच्या गोवा खंडपीठात सभापतींविरुद्ध याचिका सादर केली आहे.
पाटकर यांनी सभापतींसमोर 9 डिसेंबर 2022 रोजी आठ आमदारांविरुद्ध आमदार अपात्रता याचिका सादर केली आहे. या याचिकेवर अजूनही सुनावणी घेण्यात आलेली नाही ती घेण्याचे निर्देश द्यावेत, अशी विनंती पाटकर यांनी याचिकेत केली आहे.
दरम्यान, गेल्या मार्च महिन्यात माजी काँग्रेस प्रदेशाध्यक्ष गिरीश चोडणकर यांचीही उच्च न्यायालयात याचिका प्रलंबित आहे. त्यावरील सुनावणी अर्धवट झाली असून त्यावर येत्या गुरुवारी पुढे सुनावणी होणार आहे.
आमदार अपात्रता याचिका पक्षाचे पदाधिकारी किंवा आमदार सादर करू शकतात. अमित पाटकर यांच्या याचिकेवर सुनावणी सभापतींसमोर सुरू असली तरी ती पूर्ण झालेली नाही. ती सुनावणी घेण्याचे निर्देश द्यावेत अशी विनंती पाटकर यांनी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
