Budget 2026: केंद्रीय अर्थसंकल्पात गोव्याकडे साफ दुर्लक्ष, करवाटपातून निधी मिळेल ही निव्वळ दिशाभूल- अमित पाटकर

Goa Budget Reaction : केंद्र सरकारने नुकताच २०२६-२७ साठी अर्थसंकल्प सादर केला, त्यात गोव्याकडे पूर्णपणे दुर्लक्ष केले गेले आहे आणि आर्थिकदृष्ट्या राज्याची फसवणूक झाली आहे.

भाजप सरकारद्वारे सांगितले जात असलेल्या कर वाटपाद्वारे ५,५७०.८३ कोटी रुपये मिळणार आहेत, असे सांगणे म्हणजे लोकांची निव्वळ दिशाभूलीचाच प्रकार आहे, असा आरोप काँग्रेसचे प्रदेशाध्यक्ष अमित पाटकर यांनी केला आहे.

काँग्रेस भवनात मंगळवारी झालेल्या पत्रकार परिषदेत ते बोलत होते. याप्रसंगी जॉन नाझारेथ, ॲड. श्रीनिवास खलप आदींची उपस्थिती होती.

पाटकर म्हणाले, कर वाटपातून मिळणारी ही घटनात्मक बाब आहे. त्याला कोणतीही विशेष देय रक्कम म्हणता येणार नाही. ११ जानेवारी रोजी राज्य सरकारने केंद्राकडे राज्यासाठी ४,००० कोटींची मागणी केली होती.