गोव्यातील किराणा दुकानात लटकलेल्या शॅम्पूच्या माळा पाहून अमेरिकन गोरा चक्रावला; म्हणाला, 'फर्स्ट टाईम...'

पणजी: इंटरनेटमुळे जग खूपच जवळ आले आहे. सोशल मिडियामुळे देश-विदेशातील लोक मोठ्या प्रमाणावर विविध ठिकाणं एक्सप्लोर करत आहेत. विदेशातील लोकांना गोव्याबाबत खास आकर्षण आहे. अमेरिकन रील स्टार गोव्याच्या ग्रामीण भागातील एक किराणा दुकान पाहून आश्चर्यचकीत झाला.

या अमेरिकन रील स्टारचे निक ग्रे @nickgraynews असे नाव असून तो कंटेंट क्रिएटर आहे. निक वेगवेगळ्या देशांमध्ये प्रवास करत असतो. अलीकडेच निक भारतात आला होता. त्याने गोव्यातील एका गावाला भेट दिली. गावातील सौंदर्य न्याहाळत असताना त्याची नजर किराणा दुकानावर पडली आणि तो दुकानातील वस्तुंची ठेवण पाहून आश्चर्यचकित झाला.

निक ग्रे म्हणाला, दुकानात लटवलेले शॅम्पूचे छोटे पॅकेट यापूर्वी कधीच पाहिले नाहीत. याशिवाय मसाले, कॉफी, तेलाचे लहान पाकीटं त्यांन पहिल्यांदाच पाहिल्याचे तो म्हणाला.

याशिवाय एका सामान्य भारतीय किराणा दुकानात मिळणाऱ्या चिप्स, अंडी, नारळ, साबण यासारख्या वस्तू असल्याचे निक त्याच्या प्रेक्षकांना सांगताना रिलमध्ये दिसत आहे.

सध्या ही रिल मोठ्या प्रमाणावर व्हायरल होत असून, ४३ हजार लोकांनी याला लाईक केलं आहे तर, एक लाखाहून जास्त त्याला व्ह्युज मिळाल्या आहेत. देश - विदेशातील लोक यावर मत व्यक्त करत आहेत.