Ambergris Seized In Goa: गोवा पोलिसांची मोठी कारवाई! सांगेत दहा कोटींचे 'अंबरग्रीस' जप्त; सावंतवाडीच्या एकासह तिघांना अटक

Goa Police Ambergris Case: सांगे येथे देवमासा (Sperm Whale) उलटीच्या (Ambergris) मोठ्या प्रमाणावर जप्तीच्या प्रकरणात स्थानिक पोलिसांनी मोठी कारवाई केली. पोलिसांनी या प्रकरणी तिघांना अटक केली.
Goa Police Ambergris Case
Ambergris Seized In GoaDainik Gomantak
Published on
Updated on

सांगे: सांगे येथे देवमासा (Sperm Whale) उलटीच्या (Ambergris) मोठ्या प्रमाणावर जप्तीच्या प्रकरणात स्थानिक पोलिसांनी मोठी कारवाई केली. पोलिसांनी या प्रकरणी तिघांना अटक केली. जप्त करण्यात आलेल्या उलटीची बाजारभावानुसार अंदाजे किंमत सुमारे 10 कोटी रुपये असल्याचे सांगण्यात येते.

पोलिसांची कारवाई

पोलिसांनी दिलेल्या माहितीनुसार, या प्रकरणी पोलिसांनी साईनाथ सेठ (वय 50, फोंडा), रत्नाकांत कारापुरकर (वय 60, मुरगाव) आणि योगेश रेडकर (वय 40, सिंधुदुर्ग, महाराष्ट्र) या तिघांच्या मुसक्या आवळल्या. सांगे पोलिसांनी या तिघांना एका संशयास्पद वाहनातून अंबरग्रीस वाहतूक करत असताना ताब्यात घेतले. पोलिस निरीक्षक दितेंद्र नाईक यांनी यासंदर्भात अधिक माहिती देताना सांगितले की, अंबरग्रीसची तस्करी ही वन्यजीव संरक्षण कायद्यानुसार गंभीर गुन्हा मानला जातो.

Goa Police Ambergris Case
Fake Police In Goa: गोव्यात स्पेशल 26! खऱ्या पोलिसांना तोतया पोलिस सापडेनात; गंडा घालून होतायेत फरार

न्यायालयात हजर करण्यात येणार

दरम्यान, तिघांनाही अटक केल्यानंतर स्थानिक न्यायालयात (Court) हजर करण्यात येणार असून पुढील तपास वनविभाग आणि गुन्हे अन्वेषण विभागाच्या समन्वयाने करण्यात येईल. पोलिसांनी अंबरग्रीस कुठून आणले? कुणाला विक्री करणार होते? याचा तपास सुरू केला आहे.

Goa Police Ambergris Case
Goa Police: बलात्कार प्रकरणांचे फॉरेन्सिक पुरावे गोळा करण्यासाठी आता नवीन मार्गदर्शक तत्त्वे!

देवमासा उलटी अर्थात अंबरग्रीस ही सुगंधी पदार्थासाठी वापरली जाणारी महागडी वस्तू असून ती कायद्याने प्रतिबंधित आहे. तिची आंतरराष्ट्रीय बाजारात मोठी मागणी असते. त्यामुळे बेकायदेशीर तस्करीचे प्रकार वाढत आहेत. सांगे पोलिसांची ही कारवाई मोठे यश मानले जात असून आणखी आरोपी असण्याची शक्यता गृहित धरुन तपास सुरु आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com