All Goa Veterans T20 Cricket Tournament: पाटणेकर वॉरियर्सवर नऊ धावांनी मात करत वास्को वॉरियर्सला विजेतेपद

All Goa Veterans T20 Cricket Tournament: गोवा व्हेटरन्स क्रिकेट असोसिएशनच्या अखिल गोवा व्हेटरन्स टी-20 क्रिकेट स्पर्धेत वास्को वॉरियर्सने विजेतेपद पटकावले. अंतिम सामन्यात त्यांनी पाटणेकर वॉरियर्सवर नऊ धावांनी मात केली.

स्पर्धेतील अंतिम सामना रविवारी पर्वरी येथील जीसीए अकादमी मैदानावर झाला. विजेत्या संघाला ५०,००० रुपये व करंडक, तर उपविजेत्या संघाला ३०,००० रुपये व करंडक मिळाला.

राज्यसभा खासदार सदानंद शेट तानावडे, गोवा क्रिकेट असोसिएशनचे अध्यक्ष विपुल फडके, सचिव रोहन गावस देसाई, गोवा व्हेटरन्स क्रिकेट असोसिएशनचे अध्यक्ष विनोद फडके, सचिव सुदेश प्रभुदेसाई यांच्या उपस्थितीत बक्षीस वितरण झाले. वास्को वॉरियर्सच्या विनोद विल्सन अंतिम सामन्याचा मानकरी ठरला.

संक्षिप्त धावफलक:

वास्को वॉरियर्स: २० षटकांत ७ बाद १६५ (दामोदर रेडकर १४, राम यादव १५, एच. करोल ३२, संदीप दलाल ४३, विनोद विल्सन २४, नवनाथ कामत ३८-२) वि. वि.

पाटणेकर वॉरियर्स: १९.४ षटकांत सर्वबाद १५६ (प्रमोद नाईक ३८, सूरज सावळ १९, मुख्तियार कादरी ६३, संजय नेत्रावळकर नाबाद ११, विनोद विल्सन २५-३, संदीप दलाल ३३-२, प्रसाद पाटील २६-४).