Goa: ... या कारणामुळे दक्षिण गोव्यात चालू आहे मद्यपान जागृती

Alcohol Awareness: गोवा (Goa) पर्यटनासाठी प्रसिद्ध आहे. त्याचप्रमाणे गोव्यात इतर दारू पिण्यासाठी येणाऱ्या पर्यटनाची संख्या कमी नाहीये, कारण देशात सर्वात स्वस्त दारू ही गोव्यात मिळते. परंतु गोव्यात मद्यपानामुळे होणारे तोटे लक्षात घेऊन काही संस्था मद्यपानाविषयी जागृती करण्यासाठी पुढे येत आहेत.

आल्कोहोलिक्स एनोनिमस इंटर ग्रुपने दक्षिण गोव्यातील आपल्या कंपनीचे सुरक्षा कर्मचारी, हाउसकिपिंग व एमटीएस कर्मचाऱ्यांसाठी मद्यपान जागृती कार्यक्रम आयोजित केला. हा कार्यक्रम गोवा मनुष्य संसाधन विकास महामंडळाच्या विनंतीनुसार आयोजित करण्यात आला. या कार्यक्रमाला 400 पेक्षा कर्मचाऱ्यांनी उपस्थिती लावुन उत्स्फुर्त प्रतिसाद दिला.

मद्यपानाचे वाईट परिणाम व मद्यपानाची व्यसन जडलेल्यांना त्यांतुन मुक्त कसे करावे, या बद्दलचे मार्गदर्शन या कार्यक्रमाद्वारे करण्यात आले.हा कार्यक्रम आयोजित करण्यास महामंडळाचे ज्येष्ठ सुरक्षा अधिकारी इचित फळदेसाई यानी चांगले संयोजन केले. हा कार्यक्रम 28 ऑगस्ट रोजी केपे येथील सरकारी महाविद्यालयाच्या सभागृहात आयोजित करण्यात आला.