Dabolim Hit and Run Case : दाबोळी महामार्गावर ‘हिट ॲण्ड रन’ प्रकारात शुक्रवारी रात्री भरधाव वाहनाने धडक दिल्याने निखिल शाजू हा विमानतळ कर्मचारी ठार झाला. या घटनेनंतर धडक दिलेल्या वाहनचालकाने पलायन केले होते.
मात्र, पोलिसांनी घटनास्थळी सापडलेल्या तुटलेल्या नंबरप्लेटच्या साहाय्याने वाहन शोधून काढून चालक संदीप मालवणकर याला अटक केली.
वास्को पोलिसांनी दिलेल्या माहितीनुसार, ''हिट ॲण्ड रन''ची घटना शुक्रवारी रात्री घडली. दाबोळी विमानतळावरील कर्मचारी निखिल शाजू (वय २३, मूळ रा. केरळ) येथील रस्त्यातून जाताना त्याला कारची धडक बसली.
काही तासांतच संशयित जेरबंद
पोलिसांना घटनास्थळी पंचनामा करत असताना एका कारची पुढील नंबरप्लेट अर्ध्या तुटलेल्या अवस्थेत सापडली. पोलिसांनी त्या नंबरप्लेटच्या आधारे तपास सुरू केला आणि कारचालकाला अटक केली.
संदीप मालवणकर (वय 38, रा. बायणा) असे अटक केलेल्या संशयित वाहनचालकाचे नाव आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
