Agricultural Policy : अजूनपर्यंत कृषी धोरण तयार नाही : कार्लुस फेरेरा

पणजी, राज्याच्या कृषी धोरणावर केवळ सभागृहात चर्चा होत आहे; परंतु हे धोरण तयार होत नाही. सरकारने राज्यातील शेतकऱ्यांचा विचार करून आणि शेती वाचविण्यासाठी शेती धोरण तयार करावे, अशी मागणी आमदार कार्लुस फेरेरा यांनी केली.

फेरेरा म्हणाले, जमिनीचे बांध तयार करतो, तेव्हा भाटकार, जमीनमालक एनओसी देत नाहीत. त्यामुळे आपत्ती व्यवस्थापन किंवा खाजन मंडळाच्या अधिपत्याखाली हे काम आणावे. खोर्जुवे, कोडवाल, मयडे येथील खाजन बांधाचे काम करू म्हणून आश्वासन दिले होते.

आता त्या कामांच्या निविदा काढाव्यात. त्याशिवाय कृषी धोरणाविषयी कित्येक जणांनी सूचना दिल्या; पण अजूनही ते धोरण तयार झालेले नाही. खाजन मंडळाची स्थापना करावी.