Garbage Project : दुमाणेचा कचरा प्रकल्प, चावडी मार्केटची पाहणी

आगोंद, काणकोण पालिकेच्या दुमाणे येथील कचरा प्रक्रिया प्रकल्प आणि चावडी येथील मासळी मार्केट येथे आरोग्य अधिकारी डॉ. जुझे तावारीस आणि स्वच्छता निरीक्षक प्रणय नाईक यांनी शुक्रवार, २६ रोजी तपासणी केली.

दोन्ही ठिकाणी प्रचंड अस्वच्छता व आरोग्यास अपायकारक परिस्थिती असून‌ सामुदायिक आरोग्य केंद्र काणकोण यांनी संबंधित प्राधिकरणाला अधिकृत पत्र जारी केले आहे, असे इस्पितळाच्या सूत्रांकडून सांगण्यात आले.

या अधिकृत पत्रात दुमाणे आणि काणकोण मार्केटमध्ये आरोग्याला मोठा धोका निर्माण होतो आणि त्यामुळे जलप्रदूषण होते, असे म्हटले आहे.