Gangwar in Colvale Jail : नेहमीच वादाच्या भोवऱ्यात असलेल्या कोलवाळ कारागृहात 30 मे ला दोन टोळ्यांमध्ये गॅंगवॉर झाल्याची घटना घडली होती. त्यावेळी ताबडतोब तुरुंग अधिकारी कारागृहात दाखल झाले होते, तर परिस्थिती बघता म्हापसा आणि कोलवाळ पोलीस स्थानकातून अतिरिक्त पोलीस फोर्सही बोलावण्यात आले होते. त्या प्रकरणातील आता नवी माहिती समोर आली आहे.
परवाच्या घटनेनंतर पुन्हा एकदा तुरुंग प्रशासनाच्या कामावर प्रश्नचिन्ह उपस्थित करण्यात आले. या घटनेच्या पार्श्वभूमीवर काल (गुरुवार) रात्रीच्या वेळी महानिरीक्षकांनी कोलवाळ कारागृहात छापा टाकला.
यामध्ये त्यांनी तब्बल 30 मोबाईल फोन्स जप्त केले असून तंबाखूजन्य इतर गोष्टीही ताब्यात घेतल्या आहेत. यामुळे, कैद्यांना या गोष्टी मिळतातच कशा? असा सवाल पुन्हा एकदा निर्माण झाला आहे.
दरम्यान, काही वर्षांपूर्वी या कारागृहात अट्टल गुन्हेगार अश्‍पाक बेंग्रे तसेच कारबोटकर यांचा खून झाला होता. त्यावेळी झालेल्या टोळीयुद्धामध्ये कारागृहातील सीसीटीव्ही कॅमेरे फोडून तसेच कारागृहात काळोख करून बेदम मारहाण केल्याने त्यांच्या मृत्यू झाला होता.
या कारागृहात तेथील साधनसुविधा वापरण्यावरून दोन टोळ्यांमध्ये वाद आहेत. त्यामुळे त्यांच्यात असे वारंवार खटके उडत असतात. तुरुंगाधिकाऱ्यांनी प्राथमिक चौकशी करून दोन्ही गटांना ताकीद दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
