Illegal Hoardings: सांतिनेज येथील जंक्शनवरील ‘मिश्रा पेढा’चे बेकायदेशीर मोठे होर्डिंग्स लावण्यात आले असून त्याविरुद्ध कोणतीच कारवाई (सीसीपी) महापालिकेकडून होत नाही, असे आज स्वेच्छा याचिकेवरील सुनावणीवेळी निदर्शनास आणून दिले असता मुंबई उच्च न्यायालयाच्या गोवा खंडपीठाने त्याचा जाब विचारला.
महापालिकेच्या वकिलांनी हे होर्डिंग्स त्वरित हटवण्याची ग्वाही खंडपीठाला दिली. त्यामुळे आज दुपारी त्याची कारवाई करण्यात आली. गोवा खंडपीठाच्या तोंडी निर्देशानंतर या होर्डिंग्सबाबत महापालिकेला जाग आली आहे.
गोवा खंडपीठाने पणजी तसेच राज्य व राष्ट्रीय महामार्गावरील बेकायदा होर्डिंग्स संदर्भात स्वेच्छा दखल घेतली आहे,त्यावरील सुनावणी आज झाली. सांतिनेज जंक्शनवरील एका एलईडी होर्डिंग्सविरुद्ध ‘सीसीपी’ला कारवाईचे निर्देश दिले होते. त्यासंदर्भात पालिका संचालनालयाकडे सुनावणी प्रलंबित आहे. ती आता 12 ऑक्टोबरला ठेवली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
