आमचे गोंय देशान सगळ्यात आनंदी राज्य

गोवा राज्य (Goa State) नेहमीच फन, फूड आणि नेचर साठी पर्यटकांच्या (Tourism) आवडीच ठिकाण ठरले आहे. अशातच ‘इंडिया टुडे’तर्फे घेण्यात आलेल्या सर्वेक्षणात लहान राज्यांच्या यादीमध्ये ‘आनंद’या संकल्पनेत गोवा राज्याने (happiest state) बाजी मारली आहे. आणि राज्याला सर्वात आनंद राज्याचा पुरस्कार प्राप्त झाला आहे. लहान राज्यांच्या यादीमध्ये गोवा राज्य सर्वात जास्त आनंदी असल्याचे सर्वेक्षणात (survey) नमूद करण्यात आले आहे. (According to survey Goa is happiest state in country)

गोव्यातील शिक्षण, साधनसुविधा, स्वच्छता या बाबतीत गोवा आनंदी असल्याचे सर्वेक्षण अहवालात दिसून आले आहे. तसेच पर्यटन क्षेत्रातही गोवा सर्वाधिक आनंदी असल्याचे अहवालातून स्पष्ट झाले आहे. लहान राज्यातील यादीमध्ये आनंदी निर्देशांकानुसार गोवा राज्य अव्वल ठरल्याचे अहवालात स्पष्ट झाले आहे.

ग्लोबल हॅपिनेस कौन्सिलतर्फे राष्ट्रीय स्तरावर हा अहवाल प्रकाशित करण्यात येतो. त्यात विविध राज्यांची विविध क्षेत्रातील आनंदाबाबतची सद्यस्थिती काय आहे याचे सर्वेक्षण केले जाते. यावर्षी इंडिया टुडेतर्फे हे सर्वेक्षण करण्यात आले असून या सर्वेक्षणात गोव्याला अव्वल मानांकन मिळाले आहे.

गोवा राज्याला गेल्या काही वर्षात अशा प्रकारचे पुरस्कार लाभले असून लहान राज्य असल्याने या सगळ्या पुरस्काराचा आणि नामांकनांचा लाभ गोव्याला मिळतो आहे. या मानांकनामुळे गोव्याचे देशभरात कौतुक होत असल्याने गोमंतकीय शासन प्रशासन आनंदी असल्याचे दिसत आहे.