Velankanni To Goa Car Accident : तामिळनाडू वालंकिणी येथील सायबिणीचे दर्शन घेऊन गोव्यात येताना तिने घाट नजीक बलेनो कारचा टायर फुटल्याने अपघातात पंचवाडी शिरोडा येथील सहा भाविक जखमी झाले आहेत. हा अपघात रविवारी सकाळी घडला. अपघातातील जखमींना रामनगर सरकारी रुग्णालयात प्राथमिक उपचार करून अधिक उपचारासाठी गोमेकॉत दाखल करण्यात आले.
याबाबत अधिक माहिती अशी की, बलेनो कारमधूून डिसोजा कुटुंबातील सहा जण तामिळनाडू येथील वालंकिणी येथे सायबिणीच्या दर्शनाला गेले होते. तेथून गोव्याच्या दिशेने येताना रविवारी सकाळी तिने घाट नजीक कारचा टायर फुटल्याने कारने दोन ते तीन वेळा पलटी घेतली व कार रस्त्याच्या कडेला खाली कोसळली.
अपघातात राजानोरी डिसोजा (62), पियाजा डिसोजा (38) हे जखमी झाले तर पीटर डिसोजा, विलोना डिसोजा, नाय लॉस डिसोजा (02), नाईस डिसोजा (08) हे किरकोळ जखमी झाले आहे. या अपघाताची नोंद रामनगर पोलीस स्थानकात करण्यात आली आहे. अपघातातील जखमींना रामनगर सरकारी रुग्णालयात प्राथमिक उपचार करून अधिक उपचारासाठी गोमेकॉत दाखल करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
