AAP Goa: लोकसभा निवडणुकीपूर्वी आपची गोव्यात नव्या पदाधिकाऱ्यांची नियुक्ती, 27 सदस्यांची यादी जाहीर

AAP Goa: लोकसभा निवडणुकीपूर्वी आम आदमी पक्षाने गोव्यात नव्या पदाधिकाऱ्यांची नियुक्ती केली आहे. आम आदमी पक्षाने वेन्झी व्हिएगश व क्रुझ सिल्वा यांची राष्ट्रीय संयुक्त सचिव व राष्ट्रीय प्रवक्तेपदी नियुक्ती केली आहे.

मुख्य शाखेच्या अंतर्गत राज्य युनिटसाठी पाच उपाध्यक्षांची नियुक्ती केली असून, पक्षाच्या वतीने मंगळवारी (दि.26 सप्टेंबर) 27 सदस्यांची यादी जाहीर करण्यात आलीय.

पक्षाने प्रसिद्ध केलेल्या प्रसिद्धीपत्रकानुसार, वाल्मिकी नाईक यांची उत्तर गोव्याचे कार्याध्यक्ष तर जेर्सन गोम्स यांची दक्षिण गोव्याचे कार्याध्यक्षपदी नियुक्ती करण्यात आली आहे.

तर प्रतिमा कुतिन्हो, संदेश तेलीकर देसाई, सिद्धेश भगत, सुनील सिग्नापूरकर, रॉक मास्कारेन्हस यांची मुख्य विभागांतर्गत प्रदेश उपाध्यक्षपदी नियुक्ती करण्यात आली आहे.

गोव्यातील पक्षाच्या सरचिटणीसपदाची जबाबदारी सुरेल तिळवे यांच्याकडे सोपवण्यात आली असून, सिद्धेश भगत हे राज्यात पक्षाचे मुख्य प्रवक्तेही असतील

पक्षाच्या अधिसूचनेनुसार, हेन्झेल फर्नांडिस गोव्यात 'आप'च्या अल्पसंख्याक शाखेचे नेतृत्व करणार आहेत. याशिवाय युवा शाखेचे नेतृत्व रोहन नाईक करणार आहे.

राज्यात पक्षाच्या ओबीसी अध्यक्षपदी उपेंद्र गावकर यांची नियुक्ती करण्यात आली आहे. सुषमा जानू गावडे यांच्याकडे उत्तर गोव्याच्या महिला प्रदेशाध्यक्षपदाची जबाबदारी देण्यात आली आहे.

त्याचबरोबर दक्षिण गोव्यासाठी प्रदेशाध्यक्षपदाची जबाबदारी पेट्रीसिया फर्नांडिस यांच्याकडे सोपवण्यात आली आहे.

अनिल गावकर (अनुसूचित जमाती अध्यक्ष), उपेंद्र गावकर (इतर मागासवर्गीय अध्यक्ष), हांझल फर्नांडिस (अल्पसंख्याक अध्यक्ष) असतील.