पश्चिम बंगालच्या महिलेवर बागा येथे सामूहिक बलात्कार केल्याची धक्कादायक माहिती समोर आली आहे. महिलेने मनोरूग्णालयात उपचार सुरू असताना आपल्या सोबत घडलेल्या अतिप्रसंगाची माहिती उघड केली आहे.
18 ते 20 फेब्रुवारी दरम्यान ही घटना घडली असल्याची प्राथमिक माहिती मिळाली आहे. पोलिसांनी सहा अज्ञाताविरोधात गुन्हा दाखल केला आहे.
मिळालेल्या माहितीनुसार, महिला मानसिक दृष्ट्या अस्थिर आहे. पणजीतील रस्त्यावर फिरताना काही लोकांना ही महिला दिसून आली. त्यांनी तात्काळ याबाबत पोलिसांना माहिती दिली. फोनवर मिळालेल्या माहितीच्या आधारावर पोलिसांनी महिलेला आपल्या सोबत घेऊन तात्काळ उपचारासाठी IPHB येथे पाठवले.
दरम्यान, उपचारावेळी महिलेने तिच्यासोबत घडलेल्या घटनेची माहिती दिली. पोलिसांनी महिलेने दिलेल्या माहितीच्या आधारे गुन्हा दाखल केला आहे.
कळंगुट पोलिसांनी याप्रकरणी सहा अज्ञात संशयित आरोपीविरोधात गुन्हा दाखल केला आहे. कळंगुट पोलिसांनी गुन्हा पणजी महिला पोलिसांकडे सुपूर्द केला आहे. पोलिसांकडून महिलेच्या पतीचा शोध घेतला जात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.