Agonda News : आगोंद येथे पुन्‍हा जलवाहिनी फुटली

Agonda News : आगोंद, आगोंदला पाणीपुरवठा करणारी मुख्य जलवाहिनी पुन्‍हा एकदा फुटल्‍यामुळे पाण्याची मोठ्या प्रमाणात नासाडी झाली. हा प्रकार मध्‍यरात्री घडला.

आज रविवारी सकाळी स्थानिक नागरिक दिनकर नाईक गावकर यांनी ही बाब संबंधितांच्या लक्षात आणून दिल्यानंतर दुपारी पाणीपुरवठा विभागाच्या कर्मचाऱ्यांनी जलवाहिनीची तातडीने दुरुस्ती केली.

गेल्या महिनाभरात तिसऱ्यांदा ही जलवाहिनी फुटली आहे. कमकुवत व जीर्ण झालेली ही जलवाहीनी बदलून नवीन जलवाहिनी टाकणे गरजेचे बनले आहे. वारंवार जलवाहिनी फुटत असल्‍याने नागरिकांना पाणीपुरवठा तर होत नाहीच शिवाय दुरुस्ती केल्यावर पाण्याच्या टाकीत गढूळ पाणी जाते.

मागच्या ग्रामसभेत पाण्‍याच्‍या टाकीची सफाई करण्याची मागणी ग्रामस्थांकडून करण्यात आली होती. याबाबत बोलताना दिनकर नाईक गावकर यांनी सांतिगले की, गेल्या कित्येक वर्षांपासून पाण्याच्या टाकीची सफाईच केलेली नाही.