Goa Accident : गोव्यात अपघातांचं सत्र सुरुच असल्याचं चित्र आहे. पेडण्यात आज बुधवारी एका भरधाव कारची क्रेनला धडक बसली. या अपघातात चालकाचा जागीच मृत्यू झाला तर दोघेजण गंभीर जखमी झाले आहेत. चालकाचं कारवरील नियंत्रण सुटल्याने हा अपघात झाल्याचा प्राथमिक अंदाज व्यक्त केला जात आहे.
(A speeding car hit a crane in pernem the driver died on the spot)
महाराष्ट्रातून गोव्यात येणाऱ्या पर्यटकांच्या स्विफ्ट कारला पेडणे सुके कुळण परिसरात अपघात झाला. भरधाव वेगाने येणाऱ्या कारचालकाला रस्त्याचा अंदाज न आल्यामुळे त्याचं गाडीवरील नियंत्रण सुटलं आणि कार थेट क्रेनवर जाऊन आदळली. या अपघातात कारचालक रिकी बिनावथ याचा जागीच मृत्यू झाला आहे. तर कारमधील सहप्रवासी निधी गोडसे (27) आणि सुनील कराड (36) दोघेही गंभीर जखमी झाले आहेत.
दरम्यान दुसऱ्या एका अपघातात ट्रक कलंडल्याने काहीकाळ वाहतुकीचा खोळंबा झाला. गोव्याहून बेळगावला जात असताना चालकाचं नियंत्रण सुटल्याने ट्रक रस्त्यावरुन खाली घसरला. या अपघातामुळे काहीकाळ वाहतुकीचा खोळंबा झाला होता. मात्र आता ट्रक बाजूला काढल्याने वाहतूक सुरळित झाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.