Fire in Goa : गोघळ हौसिंग बोर्डजवळ टेकडीला आग

Fire in Goa : सासष्टी तालुक्यात आग लागण्याच्या घटना वाढत असून आज घोगळ हाउसिंग बोर्ड भागात असलेल्या टेकडीला आग लागली. या आगीची माहिती मिळताच अग्निशमन दल घटनास्थळी दाखल झाले. अग्निशमन दलाला घटनास्थळी पोहचण्यास अडचडी येत असल्याने आग विझविण्यात व्यत्यय येत आहे. त्यामुळे आग आटोक्यात आणता आली नाही.

या भागातील स्थानिक रहिवासी वालेंतीनो रॉड्रिग्ज यांनी दिलेल्या माहितीनुसार, दुपारी ही आग लागण्याचा प्रकार घडला. उन्हाचा पारा वाढल्याने वातावरण गरम असल्याने आगीने लगेच रौद्र रुप धारण करीत पूर्ण टेकडीला घेरले. ही आग आटोक्यात आणण्यासाठी अग्निशमन दलाच्या जवानांनी आटोकाट प्रयत्न केले मात्र, सायंकाळीं उशिरा पर्यंत ही आग आटोक्यात आली नव्हती.