Goa Forest Fire : पंतप्रधान कार्यालय म्हादई वन्यजीव अभयारण्याच्या जंगलातील आगीच्या परिस्थितीवर स्वतः जवळून लक्ष ठेवून आहे. संरक्षण मंत्रालय पूर्ण सहकार्य करेल. जंगलातील आग विझवण्यासाठी हेलिकॉप्टरसह आम्हाला संपूर्ण संरक्षण सहाय्य प्रदान केल्याबद्दल संपूर्ण गोवा राज्य अत्यंत आभारी आहे.”
असे गोव्याचे वनमंत्री विश्वजित राणे यांनी शनिवारी सांगितले. याबाबतची माहिती त्यांनी ट्विट करत दिली. म्हादई वन्यजीव अभयारण्य आणि लगतच्या काही ठिकाणी शनिवारी सातव्या दिवशीही जंगलात आग सुरु आहे.
राणे यांनी सोशल मीडियावर सांगितले की, पंतप्रधान कार्यालय जवळून परिस्थितीवर लक्ष ठेवून आहे. संरक्षण मंत्रालय या परिस्थितीवर मात करण्यासाठी पूर्ण सहकार्य करणार असल्याची माहिती मिळाली आहे.
ते म्हणाले, “आमच्या जंगलांचे रक्षण करण्यासाठी पंतप्रधानांच्या हस्तक्षेपाबद्दल आणि जंगलातील आग विझवण्यासाठी दोन हेलिकॉप्टरसह आम्हाला संपूर्ण संरक्षण सहाय्य प्रदान केल्याबद्दल संपूर्ण गोवा राज्य अत्यंत आभारी आहे.”
“आम्ही पंतप्रधान कार्यालयाला आगीच्या स्थितीबद्दल दररोज अपडेट ठेवू. शनिवारी म्हादई वन्यजीव अभयारण्यासह विविध ठिकाणी अकरा जंगलात आग लागली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
