Goa: 'त्या' स्टॉल धारकांचा गोमेकॉ समोर जमाव

दोन दिवसापूर्वी बांबोळी येथील गोवा वैद्यकीय महाविद्यालयाच्या(Goa Medical Collage) आवाराच्या बाहेरील गाडे जिल्हाधिकार्‍यांनी जमीनदोस्त केल्यानंतर आज या स्टॉलधारकांनी त्या ठिकाणी जमा होऊन त्यांचा व्यवसाय सुरू करण्याची मागणी केली

या गोवा मेडिकल कॉलेजच्या आवाराच्या बाहेर मोठ्या प्रमाणात लोक जमले असून पोलीस फौजफाटा मोठ्या प्रमाणात तैनात करण्यात आला आहे

त्या ठिकाणी सांताक्रुजचे आमदार टोनी फर्नांडिस तसेच सांताक्रुज पंचायतीचे सदस्य उपस्थित आहेत. गेल्या गुरुवारी हे स्टॉल्स जमीनदोस्त केल्या नंतर सांताक्रूझच्या आमदार टोनी फर्नांडिस व सांत आंद्रेचे आमदार फ्रान्सिस सिल्वेरा यांनी मुख्यमंत्र्यांची भेट घेऊन या स्टॉलधारकांना न्याय देण्याची मागणी केली होती. तसेच त्यांना पर्यायी जागा द्यावी अशी मागणी केली होती. त्यावर मुख्यमंत्र्यांनी त्यांना पर्यायी जागा देण्याचे आश्वासन दिले होते तसेच तेथे असलेल्या फळ विक्रेत्यांना तात्पुरते पुन्हा बसण्यात देण्यात येईल असेही आश्वासन दिले होते.

आज फळविक्रेते आपला व्यवसाय सुरू करण्यास आले असता पोलिसांनी त्यांना तिथे अटकाव केला जिल्हाधिकाऱ्यांच्या आदेशाने कोणालाही तिथे सध्या व्यवसाय करता येणार नाही असे पोलिसांनी या जमावाला सांगितले त्यामुळे मोठा तणाव निर्माण झाला आहे.

दरम्यान गुरुवारी येथील गोवा वैद्यकीय महाविद्यालय (GMC) इस्पितळाच्या बाहेर असलेले गाडे (Stall) आज पहाटेपासून हटविण्यास सुरुवात झाली होती . सरकारी जमिनीवर (Government Property) हे गाडे बांधले गेल्यामुळे ते हटवावेत अशी नोटीस तिसवाडीच्या उपजिल्हाधिकाऱ्यांनी बजावली होती.