'एक चान्स केजरीवाल' आपचं गोव्यात प्रचारगीत लॉन्च

मतदारांना आकर्षित करण्यासाठी गोव्यात राजकीय पक्षांकडून जनतेला अनेक आश्वासने दिली जात आहेत. तसेच आम्ही कशाप्रकारे चांगल काम करू याबद्दल आणि सत्तेत आल्यावर कामच स्वरूप काय असेल तसेच जनतेच्या हिताचे निर्णय कोणते याबद्दल माहिती देण्यासाठी जाहिरणामे सादर केले जात आहेत. अशातच गोवा आपच्या (AAP) वतीने एक प्रचारगीत तयार केले आहे. त्या गीताला लोकप्रियता देखील मिळताना दिसत आहे. या प्रचारगीतात एक चान्स केजरीवाल असा देखील उल्लेख आहे. आपचे सर्वेसर्वा अरविंद केजरीवाल (Arvind Kejriwal) सध्या गोव्यात आपल्या उमेदवारांच्या प्रचारात व्यस्त आहेत.

आपच्या प्रचारगीतात गोव्याच्या विकासाबद्दल तसेच इतर सरकारच्या भ्रष्टाचाराबद्दल भाष्य केले आहे. याउलट आप सत्तेत आल्यानंतर कशा पद्धतीने याला आळा बसेल याची माहिती दिली आहे. दरम्यान, आगामी काळात गोव्यात विधानसभा निवडणूक (Assembly Election) होत आहेत. याच पाश्वभूमीवर गोव्यात (goa) प्रचाराची रणधुमाळी पाहायला मिळत आहे. राज्यात सत्तेत असणाऱ्या भाजपला (BJP) पराभूत करण्यासाठी विरोधक चांगलचे तयारीला लागले आहेत. राजकीय (Political) नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत.