Car Hit a Holy Cross: फातोर्डा येथे कारची होली क्रॉसला धडक; कारचा चक्काचूर

गोव्यात अपघातांची मालिका संपलेली नाही आज ही ती सुरुच राहीली. या पार्श्वभूमीवर मुरीदा फातोर्डा येथे आज रस्त्याच्या कडेला असलेल्या होली क्रॉसला एका कारने जोरदार धडक दिली आहे. या अपघातात कारचे मोठे नुकसान झाले आहे. तसेच होली क्रॉस ही ढासळला आहे.

(A car accidently hit a Holy Cross along the roadside at Murida Fatorda )

मिळालेल्या माहितीनुसार आज फातोर्डा येथील मुरीदा परिसरात कारचा अपघात झाला आहे. या अपघातात मुरीदा येथे मुख्य रस्त्यावरुन प्रवास करताना कारने होली क्रॉसला जोरदार धडक दिल्याची घटना घडली आहे. या घटनेची माहिती मिळाताच फातोर्डा पोलिसांना घटनास्थळी दाखल होत पंचानामा केला आहे.

या घटनेत कार चालक जखमी झाला असून चालकाने आपली चुक मान्य करत होली क्रॉसचे झालेले नुकसान भरपाई देणार असल्याचे मान्य केले आहे. यावेळी अपघातास्थळावर काहीसा तणाव निर्माण झाला होता, तो निवळला आहे. यावेळी स्थानिकांनी असे अपघात होऊ नयेत यासाठी प्रशासनाने नियमावली घालावी अशी मागणी केली जात आहे. तसेच अपघातात जखमी झालेल्या चालकाची माहिती मिळू शकलेली नाही.