Goa Education: राज्यातील विविध तालुक्यांतील प्राथमिक शाळांमध्ये रजेवरील शिक्षकांच्या बदली कंत्राटी पद्धतीवर 88 शिक्षकांची नेमणूक केली जाणार आहे. त्यासाठी येत्या 7 ते 9 नोव्हेंबरदरम्यान घेण्यात येणाऱ्या थेट मुलाखतीसाठी शिक्षकांच्या पदासाठी डीएड पदवी उमेदवारांनीच यावे. बीएड पदवी उमेदवारांनी या पदासाठी मुलाखतीसाठी येऊ नये, असे आवाहन शिक्षण संचालक शैलेश झिंगडे यांनी केले आहे.
रजेवरील शिक्षकांच्या बदली कंत्राटी पद्धतीवर विविध तालुक्यांमध्ये एकूण 88 उमेदवारांच्या जागा आहेत. त्यासाठी येत्या 7 ते 9 नोव्हेंबरदरम्यान मुलाखती गोव्यातील विविध भागांत घेण्यात येणार आहेत. बार्देश व फोंडा तालुक्यातील शाळांसाठी प्रत्येकी 12 शिक्षकांची निवड करण्यात येणार आहे.
तिसवाडी व सत्तरी तालुक्यासाठी प्रत्येकी 10, धारबांदोडा व केपे तालुक्यासाठी प्रत्येकी 8, सासष्टी तालुक्यासाठी 7, डिचोलीसाठी 6 तर पेडणे व काणकोण तालुक्यासाठी प्रत्येकी 5, सांगेसाठी 3 व मुरगाव तालुक्यासाठी 1 जागा आहे.
टीईटी उत्तीर्णना प्राधान्य
डीएड पदवी असलेल्या उमेदवारांनी आवश्‍यक प्रमाणपत्रासह उपस्थित राहावे. ४५ वर्षांपर्यंत वय असलेल्यांनाच या जागांसाठी अर्ज करता येणार आहे. अनुभवी व शिक्षक पात्रता चाचणी (टीईटी) उत्तीर्ण झालेल्यांना प्राधान्य दिले जाईल. या पदासाठी निवड झालेल्या कंत्राटी शिक्षकांना एकत्रित वेतन 39,015 रुपये दिले जाणार आहे, असे झिंगडे म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
